Þarna má sjá ýmsa hluti eins og ludo spilakarla, statíf fyrir hljómplötu, ónefndan þjóðhöfðingja, kanínu og sitthvað fleira. Ljósm. tfk.
Fjölbrautaskóla Snæfellinga bárust á dögunum veglegar gjafir frá Lionsklúbbi Stykkishólms, að verðmæti 600 þúsund krónur. Inni í þessum pakka eru tveir þrívíddar prentarar, hitapressa til að pressa á fatnað og búnaður til að hanna og prenta út slíkar merkingar. Allur kemur þessi búnaður sér vel fyrir kennslu á nýsköpunar- og frumkvöðlabraut sem kennd er við skólann. Þar læra nemendur að hanna ýmsa hluti og nánast engar hömlur á sköpunargleðinni nema þær sem hugurinn setur þeim.
Þeir Gunnlaugur Smárason og Loftur Árni Björgvinsson voru önnum kafnir við kennslu er fréttaritari leit við í kennslustund í gær. Þar voru nemendur að hanna hluti eins og statíf fyrir vínilplötur, hleðslustand fyrir snjallsíma svo eitthvað sé nefnt.
![](/static/files/Myndir/lionsfelagar-i-stykkisholmi-faera-fsn-veglega-gjof_1-scaled.jpg)
Gunnlaugur Smárason kennari er hér að stilla einn þrívíddarprentarann.
Tekið af vef Skessuhorns.