Íþrótta- og lýðheilsubraut

Bókleg og verkleg námsbraut sem lýkur með stúdentsprófi og skilar nemendum með hæfni á 3.þrepi. Íþrótta- og lýðheilsubraut er 200 einingar og meðalnámstími er 6 – 7 annir.  Inngönguskilyrði á brautina eru að nemendur hafi lokið grunnskóla. Á íþrótta- og lýðheilsubraut er áhersla á grunngreinar og sérgreinar í íþróttum og lýðheilsu, s.s. íþróttagreinar, íþróttafræði og næringarfræði.  Brautinni lýkur með stúdentsprófi og er nám á henni heppilegur undirbúningur fyrir frekara nám á háskólastigi, m.a. á sviði kennslu, íþróttafræða og útivistar hér á landi sem erlendis.

Inntökuskilyrði
Inngönguskilyrði á brautina er að nemendur hafi lokið grunnskóla.  Til að hefja nám á öðru hæfniþrepi í dönsku, ensku, íslensku eða stærðfræði þarf nemandi að hafa náð hæfnieinkunn B við lok grunnskóla eða að hafa lokið fyrsta þreps áfanga í þessum greinum.

Hæfniviðmið
Að loknu námi skal nemandi hafa hæfni til að…

• sjá um viðburð sem tengist íþrótta- og útivistarstarfi, s.s. kennslu, þjálfun, gönguferð eða móti sem tekur til undirbúnings, skipulags, framkvæmdar og mats ásamt því að geta metið  hlutlægt eigin frammistöðu við verkið og nýtt niðurstöðuna til að ná betri árangri
• staka þátt í upplýstri umræðu um málefni er tengjast hreyfingu, heilsueflingu, þjálfun og útivist
• taka ábyrgð á þjálfun og leiðbeint öðrum
• beita fræðilegri og verklegri undirstöðuþekkingu
• greina frá afstöðu sinni til heilbrigðs lífsstíls
• taka þátt í rökræðum um efni sem tengjast hreyfingu, heilsu, þjálfun og útivist
• stunda íþróttir og útivist þar sem krafist er sérstaks útbúnaðar, t.d. fyrir gönguferðir, skíðaferðir, hjólreiðar, o.fl.
• þekkja hvernig má nýta sér möguleika til hreyfingar í nánasta umhverfi og úti í náttúrunni
• flétta hreyfingu inn í daglegt líf og starf
• vera meðvitaður um umhverfi sitt, njóta þess og nýta á skynsamlegan hátt með sjálfbærni í huga
• stunda frekara nám, einkum á sviði kennslu, íþróttafræða og útivistar á háskólastigi

Brautarlýsing nemenda sem hófu nám fyrir haustönn 2024.

Neðangreind brautarlýsing á við fyrir nemendur sem hefja nám á haustönn 2024 eða síðar. 

Frjálst val nemenda eru 30 einingar. Hafa þarf í huga við allt val að einingar á fyrsta þrepi geta verið 33% að hámarki, annars þreps einingar 50% að hámarki og það þurfa að vera að lágmarki 17% eininga á þriðja þrepi. Mikilvægt er að nemendur dýpki sig í ákveðnum greinum til að vera betur í stakk búnir að takast á við frekara nám og mæta aðgangsviðmiðum þeirrar námsleiðar sem þeir stefna á í háskóla.

BYRJUNARÁFANGAR - Nemendur sem hafi lokið íslensku, ensku, dönsku eða stærðfræði í grunnskóla með einkunnina C eða C+ hefja nám í eftirtöldum áföngum á 1. þrepi. ÍSLE1UN05, ENSK1BY05, DANS1GR05 og STÆR1GR05

Síðast breytt 02.10.2024