Meðferð heimilda og ritstuldur

Reglur um meðferð heimilda og ritstuld

Á kennarafundi í ágúst 2024 var ákveðið að nota APA heimildaskráningarkerfi. Leiðbeiningar um APA kerfið er að finna í MOODLE áfanga sem heitir; Kröfur FSN til ritgerða- og verkefnavinnu,

Strangar reglur gilda um meðferð heimilda og ritstuld við Fjölbrautaskóla Snæfellinga. Með ritstuldi er átt við að nemandi noti hugverk annarra í verkefnum sínum án þess að láta þess getið og vísa til heimilda eftir þar til gerðum reglum. Gildir þá einu hvort um er að ræða hluta úr verki eða verkið í heild. Með hugverki er átt við höfundarverk á borð við bækur, greinar, ritgerðir, aðrar ritsmíðar, myndir eða annað jafnt á prenti, tölvutæku formi eða á annars konar formi sem tilheyrir tilteknum rétthafa þess. Höfundarverk á einnig við um verkefni nemenda og fyrrum nemenda í sama áfanga. Reglur þessar gilda einnig ef hópur nemenda í samstarfsverkefni skilar sama hópverkefni og annar hópur að hluta eða heild.

 Viðurlög skólans við brotum á reglum þessum eru eftirfarandi:

Fyrsta brot; Verði nemandi uppvís að ritstuld ræðir kennari við hann um alvarleika brotsins og gerir honum grein fyrir viðurlögum þess. Viðkomandi nemandi fær athugasemd á Innu ásamt einkunninni 0 fyrir verkefnið. Sé um að ræða stolið verk frá öðrum nemanda fær sá hinn sami einnig athugasemd á INNU og 0 fyrir verkefnið.

Annað brot; Verði nemandi uppvís að ritstuldi í annað sinn fær hann formlega viðvörun frá skólameistara. Viðkomandi nemandi fær athugasemd á INNU ásamt einkunninni 0 fyrir verkefnið. Sé um að ræða stolið verk frá öðrum nemanda fær sá hinn sami einnig formlega viðvörun frá skólameistara ásamt athugasemd á INNU Og 0 fyrir verkefnið.

Þriðja brot; Við þriðja brot er nemanda vísað úr viðkomandi áfanga. Sé um að ræða stolið verk frá öðrum nemanda á það sama við um báða.

Kröfur skólans til verkefna- og heimildavinnu eru aðgengilegar á Moodle vef skólans í áfanganum Kröfur FSN til ritgerða- og verkefnavinnu.

Síðast yfirfarið 26.08.2024